काठमाडौं, पुस ३०। समलिङ्गी प्रेम सम्बन्ध, बिहे अनि समाजले हेर्ने दृष्टिकोणलाई  जीवन्तरूपमा प्रस्तुत गरिएको सामाजिक सन्देश बोकेको म्युजिक भिडियो भतभती पोल्छ सार्वजनिक भएको छ । यस गीतमा युवा पुस्ताकी चर्चित गायिका रचना रिमालको सुमधुर स्वर सुन्न सकिन्छ ।

गीतमा शब्द अमेरिकामा बस्दै आएका गीतकार नारायण रसाइलीको रहेको छ। दीप घतानीले संगीतबद्ध गरेको यस गीतलाई संजिव बराइलीले संगीत संयोजन गर्नुभएको हो। भिडियोमा पल शाह र प्रियाना आचार्यको जीवन्त अभिनय रहेको छ । बुद्ध थापाले छायांकन गरेको यस भिडियोलाई विकास धमलाले सम्पादन गर्नुभएको हो ।

तारा लोहनी रसाइली निर्मात्री रहेकी यस भिडियोलाई निकेश खड्काको निर्देशनमा तयार पारिएको हो। भिडियो गीतकार रसाइलीको च्यानल नारायण रसाइली अफिसियल मार्फत सार्वजनिक गरिएको हो । कलाकारले मनोरञ्जन दिने मात्रै होइन परेको बेला गीतका माध्यम बाट सामाजिक दायित्व पनि पुरा गरिरहेका हुन्छन भन्ने उद्देश्यका साथ यो म्युजिक भिडियो प्रस्तुत गरिएको गीतकार रसाइलीले बताउनुभएको छ ।    

भिडियो लिंक
https://youtu.be/UOYg0UO2FjA