काठमाडौं, माघ ३। नेपाली पार्श्व गायनमा लोकप्रिय गायक उदित नारायण झाको स्वरमा रहेको नयाँ गीत भिडियो सार्वजनिक गरिएको छ । नेपाली चलचित्रका गीतहरूमा स्वर दिएर चर्चित बन्नुभएका झाको केही समयको अन्तरालमा यो गीत सार्वजनिक भएको छ । डा. प्रकाश पौडेलको शब्द रचना रहेको गीतमा संगीत राज सागरको रहेको छ । ‘स्वतन्त्र मन’ बोलको रोमान्टिक गीतमा अभिनेता आर्यन सिग्देल र अभिनेत्री वर्षा राउत फिचर्ड रहनुभएको छ ।

राजन इशानको संगीत संयोजन रहेको गीत सुमधुर बनेको छ । डा. प्रकाश पौडेलको शब्दलाई संगीतकार राज सागरले न्याय दिन सफल बन्नुभएको छ । गीतको अडियो अनुसार भिडियो पनि उत्कृष्ट बनेको छ । बिजेश र राजनले निर्देशन गर्नुभएको भिडियोलाई शिवराम श्रेष्ठले छायाँकन गर्नुभएको हो । सार्वजनिक भिडियोलाई बिजेश पौडेलले सम्पादन तथा कलर गर्नुभएको छ । सार्वजनिक भिडियोमा सुरेश काफ्ले ड्रोन पाइलट रहनुभएको छ । भिडियो डिआरपीपी क्रियसनको अफिसियल च्यानल मार्फत सार्वजनिक गरिएको हो ।
भिडियो लिंक
https://www.youtube.com/watch?v=hyGTbbY39QM