काठमाडौं, वैशाख २८ । कोरोना महामारीको जोखिमका कारण ए डिभिजन राष्ट्रिय फुटसल लिग स्थगित भएको छ ।

अखिल नेपाल फुटबल संघ एन्फाले एक विज्ञप्ती जारी गर्दै जेष्ठ एक गतेबाट २४ सम्म पोखरामा आयोजना हुने भनिएको प्रतियोगिता कोरोनाबाट उत्पन्न प्रतिकुल परिस्थिती कारण नहुने जानकारी गराएको हो । प्रतियोगिताका लागि यस अघि नै १० वटा टिमले तयारी थालिसकेका थिए ।

चैत १ देखि वैशाख ५ सम्म देशभर भएका छनोट प्रतियोगितामा प्रदेश १ बाट २, वाग्मती प्रदेशबाट ४, गण्डकी प्रदेशबाट २ र लुम्बिनी, कर्णाली र सुदूरपश्चिम गरी तीन प्रदेशको संयुक्त सहभागिताबाट १ टोली छनोट गरिएको थियो । एउटा भने एन्फा आफैले छनौट गरेको टिम हो । अब अर्को सुचना जारी नभएसम्म प्रतियोगिता स्थगित हुने एन्फाले जनाएको छ ।