काठमाडौं, माघ ७। सरकारले दिएको निर्देशनको अवज्ञा गर्दै कोरोना महामारी तीव्ररूपमा बढिरहेका बेला केही निजी विद्यालय सञ्चालन भइरहेकोले काठमाडौं महानगरपालिकाले कारबाही गर्ने चेतावनी दिएको छ । सरकारले दिएको निर्देशनलाई अवज्ञा गर्दै महानगरपालिकाका वडा नं १५ र १८ तथा कामपाकै केही वडामा विद्यालय सञ्चालन भइरहेको जनाइएको छ ।

कोरोना भाइरसको तेस्रो लहर तीव्ररूपमा बढिरहेको भन्दै सरकारले गएको पुस २७ गतेदेखि सबै विद्यालय बन्द गर्ने निर्देशन दिएकोे थियो । 'उपत्यकामा महामारी तिब्र बढिरहेको सन्दर्भमा यो समयमा विद्यालय खोल्नु घातक छ, यो तत्काल नरोके कडा कारबाही हुन्छ', महानगरपालिकाका शिक्षा विभाग प्रमुखले बताउनुभयो ।