बेलायत, वैशाख २९ । स्पोर्टिङ लिस्बोन १९ वर्ष पछि पोर्चुगलको च्याम्पियन बनेको छ । गएराती बोवाभिष्टालाई एक शुन्य गोलले हराउँदै लिस्बोन च्याम्पियन बनेको  हो । लिस्बोनको जितमा पाहिलिन्होले खेलको ३६ औँ मिनेटमा गरेको एक मात्र गोल नै निर्णायक बन्यो । निर्धारित समय सकिएपछि लिस्बोनका हजारौँ फ्यानहरु घरेलु मैदान जोसे अल्भालाडे बाहिर आएर खुशीयाली मनाएका थिए ।

लिभरपुल तथा सन्डरल्याण्डका पुर्व खेलाडी सेबास्टियान कोट्सको कप्तानीमा रहेको  लिस्बोन गत नोभेम्बरमा शीर्ष स्थानमा उक्लेको थियो । त्यसपछि शिर्ष स्थानमा रहँदै उसले उपाधी उचालेको हो । दुइ खेल खेल्न बाँकी रहेको  लिस्बोन साविक बिजेता पोर्टो भन्दा ८ अंकले माथि छ ।