काठमाडौं, माघ २५। नेपाली राष्ट्रिय क्रिकेट टोली आज ओमान प्रस्थान गर्दैछ । आईसीसी पुरुष टी-ट्वान्टी विश्वकप अन्तर्गतको ग्लोबल छनोट ए मा सहभागिता जनाउन नेपाली राष्ट्रिय क्रिकेट टोली आज मंगलबार ओमान प्रस्थान गर्न लागेको हो । आज (मंगलबार) राति ८ बजे नेपाली टोली ओमान प्रस्थान गर्ने नेपाल क्रिकेट संघ (क्यान) ले जनाएको छ ।

फेब्रुअरी १८ देखि २४ तारिखसम्म हुने खेलमा, समूह ‘ए’ मा नेपाल, क्यानाडा, फिलिपिन्स र ओमान रहेका छन् भने समूह बी मा युएई, बहराईन, आयरल्यान्ड र जर्मनी रहेका छन् । नेपालले पहिलो खेल फेब्रुअरी १८ मा क्रिकेट एकेडेमी ग्राउन्डमा ओमानसँग खेल्नेछ ।

विश्वकपको स्थान पक्का गर्न नेपालले सुरुमा समूह एक को शीर्ष दुईभित्र पर्नु पर्नेछ, त्यसपछि सेमिफाइनलको खेल जित्यो भने नेपाल यही वर्ष हुने टी-२० विश्वकपमा छनोट हुनेछ।