काठमाडौँ ,माघ २५। स्वास्थ्य तथा जनसंख्या मन्त्रालयका अनुसार नेपालमा पछिल्लो २४ घण्टामा १९ सय ५७ जनामा कोरोना भाईरस (कोभिड     १९) को संक्रमण पुष्टि भएको छ । देशभरका प्रयोगशालाहरुबाट कुुल १२ हजार छ सय ९२ वटा नमूनाको परीक्षण गर्दा उक्त संख्यामा संक्रमण पुष्टि  भएको मन्त्रालयले जानकारी दिएको छ । 
 यसैगरी पछिल्लो २४ घण्टामा कोभिड १९ को संक्रमणबाट थप ११ जनाको मृत्यु भएको छ । यो समेत गरी नेपालमा कोभिड संक्रमणका कारण मृत्यु  हुनेहरुको संख्या ११ हजार आठ सय ३८ पुगेको छ । मन्त्रालयका अनुसार पछिल्लो २४ घण्टामा थप पाँच हजार एक सय तीन जना संक्रमणमुक्त भएका छन् । यो समेत गरी नेपालमा सक्रिय संक्रमितको संख्या ३६ हजार एक सय ८१ पुगेको स्वास्थ्य तथा जनसंख्या मन्त्रालयले जानकारी दिएको छ ।