काठमाडौं, माघ २८। नेपालकै पहिलो जिपलाइन, नेपालकै पहिलो टवर बन्जी र नेपालकै पहिलो जायन्ट स्विङको सञ्चालक पोखराको हाइग्राउण्ड एडभेन्चर्स नेपाल प्रालिले भ्यालेन्टाइन्स डेलाई लक्ष्यित गर्दे नयाँ अफर सार्वजनिक गरेको छ ।

अफर अन्तर्गत टेन्डम (जोडी बन्जी गर्ने जोडिले स्विङ नि:शुल्क खेल्न पाउनेछन । त्यस्तै जिपलाइन बुक गर्ने जोडिले पनि स्विङ निस्शुल्क खेल्न पाउनेछन । नेपालमा पहिलो टावर बन्जी निर्माण गरेको हाइग्राउण्डले नेपालमै पहिलोपटक जोडि बन्जी सुरु गरेको हो । हाल हाइग्राउण्ड एड्भेन्चर प्रेमी जोडिको रोजाइको गन्तव्य बन्ने गरेको छ ।

हाइग्राउण्डले नेपालमै पहिलो पटक जायन्ट स्विङ निर्माण गरेको छ । खोला बाट २ सय ६२ फिट माथी ९८ फिटको टावर निर्माण गरिएको छ । टावरमा रहेको डोरीमा स्विङ खेल्ने ब्यक्तिलाई झुन्ड्याइन्छ । कुर्सीमा बसे जसरी र सुपरम्यान शैलीमा खेल्न सकिने स्विङ ३ जना एकै पटक बसेर खेल्न मिल्छ ।  परिवार र साथीहरु सँगै खेल्न सकिने पिङ दुई जना मात्र बसेर पनि खेल्न सकिन्छ । स्विङको फ्री फल ३ सेकेन्ड रहेको छ । स्विङ खेल अवधी ३ मिनेटको हुन्छ । स्विङको शुल्क दुई हजार प्रति ब्यक्ति र फोटो भिडियो टिसर्टको १२ सय रुपैयाँ सय रहेको छ । जिप लाइनमा बिश्वमै ख्याती प्राप्त अमेरिकी ब्रान्ड ुजिप फ्लायरुको फ्रेन्चाइज रहेको हाइग्राउण्डले एक दशक देखि पोखरामा सन्चालन गरिरहेको बिश्वकै भिरालो र छिटो द वल्ड्स स्टिपेस्ट एण्ड फास्टेस्ट जिपलाइनमा सुपरम्यम जिपलाइनको समेत  सुरुवात गरेको छ ।

सन् २०१० मा नेपालमै पहिलोपटक जिपलाइनको सुरुवात गरेको यस हाइग्राउण्डले एक दशक पछि आफ्ना ग्राहकलाई फरक स्वाद दिन सुपरम्यान जिपलाइन सुरु गरेको हो । समुन्द्री सतह देखि १ हजार ५ सय पचास मिटरको उचाइमा रहेको सराङ्कोटको टप स्टेसनबाट बटम स्टेशन हेम्जा सम्म भर्टिकल ड्रप (भिरालो) ६ सय मिटर रहेको छ । यति धेरै भिरालो भएको जिपलाइन बिश्वमै अरु नभएकोले गिनिज बुक अफ वल्ड रेकर्डमा 'बिश्वकै भिरालो जिपलाइनुका रुपमा दर्ता गर्न आवेदन दिइएको कम्पनीले बताएको छ ।

बिश्वकै लामो मध्येको उक्त जिपलाइनको १ हजार ८ सय पचास मिटर दुरि सुपरम्यान जिपलाइनमा पार गर्न  औसत १ सय चालीस किमि प्रती घण्टाको गतिमा अधिकतम समय १ मिनेट लाग्छ ।