काठमाडौं, फागुन १। शहिद स्मारक 'ए' डिभिजन लिग फुटबलमा आज आइतबार दुई खेलहरु हुँदैछ । यो लिगको दशौं चरणको खेल हो । त्रिपुरेश्वरस्थित दशरथ रंगशालामा हुने उक्त खेल दिउँसो १ बजे सुरु हुनेछ । जसअन्तर्गत पहिलो खेलमा हिमालयन शेर्पा क्लब र न्युरोड टिम एनआरटीबीच प्रतिस्पर्धा हुनेछ । दोस्रो खेलमा भने नेपाल एपीएफ क्लब र संकटा क्लबबीच प्रतिस्पर्धा हुनेछ । दोस्रो खेल ४ः४५ बजे शुरु हुनेछ ।

शनिबार भएको खेलमा मछिन्द्र क्लबका स्ट्राइकर मनिष डाँगी च्यासल युथ क्लब विरुद्धको खेलमा घाइते हुनुभएको थियो। उहाँको टाउकोमा चोट लागेको र अहिले यहाँ खतरामुक्त रहेको अस्पतालले विज्ञप्तीमार्फत जनाएको छ।