काठमाडौं, फागुन ३। गायक प्रताप दास र गायिका अस्मिता अधिकारीको युगल गायनमा समावेश प्रेमिल शैलीको नयाँ म्युजिक भिडियो ‘तिमी हौ तिमी’ सार्वजनिक भएको छ ।

अस्ट्रेलियामा बसेर संगीत र भिडियो निर्माणमा सक्रिय शिशिरजय खरेलको यो गीतमा शब्द संगीत रहेको छ । विषम आचार्यको गीतमा संगीत संयोजन रहेको छ । म्युजिक भिडियोमा आर्यन सिग्देल र पूजा शर्मा बिचको अनस्क्रिन प्रेम र रोमान्सलाई देख्न सकिन्छ ।

बुद्ध थापाले छायांकन गरेको यस भिडियोलाई विकाश धमलाले सम्पादन गर्नुभएको हो । निकेश खड्काको निर्देशनमा भिडियो तयार पारिएको हो । शिशिरजय खरेल निर्माता रहनुभएको यो भिडियोलाई रोजन ढकाल र एस पिपुल एजुकेशन एण्ड भिजा सर्भिसेसको सहकार्यमा ‘जय हो’ नामक युट्युब च्यानल मार्फत भिडियो सार्वजनिक भएको हो ।

भिडियो लिंक
https://youtu.be/yK1r0B-elBY