काठमाडौं, फागुन ३। चांगन अटोको उत्कृष्ट सेडान एल्सभीनले छोटो समयको अन्तरालमै नेपाली बजारमा आफ्नो नाम स्थापना गर्न सफल भइसकेको छ । दुई महिनाको छोटो अवधिमै नेपाली अटोमोबाइल उद्योगको ध्यानाकर्षण गर्न एल्सभीन सफल भएको हो ।
नेपालीबजारमा आगमन भएको दुई महिनाको अवधीमै ५ जना ग्राहकहरुलाई एल्सभीन वितरण गरिसकिएको छ भने अरु १५ जनाले आफ्नो बुकिङ्ग निश्चित गरिसकेको कम्पनीले जनाएको छ। ग्राहकहरुबाट उत्कृष्ट प्रतिकृया प्राप्त गरेको एल्सभीन आरामदायी र आफ्नो विविध विशेषताहरुले ग्राहकहरुलाई प्रभावित पार्न सफल भएको छ ।
एल्सभीन आरामदायी उत्कृष्टता र विविध विशेषताहरूको सम्मिश्रण हो । एल्सभीनमा १.५ लिटर ब्लु कोर इन्जिन, ५ स्पिड म्यानुयल ट्रान्समिसन र १३७० सिसिको इन्जिन रहेको छ । ब्लुकोर इन्जिनले ९९ बि.यच.पि र १३५ यन.यम प्रदान गर्दछ जसले थोरै इन्धनको खपतमा उच्चतम् प्रतिफल प्रदान गर्दछ । ग्राहकहरुले यसमा रहेको ७ इन्चको टच स्क्रिनको सजिलैसँग विधि प्रयोग गर्न सक्नेछन् ।
एल्सभीनको एलईडी ड्रिल्स र बटरफ्लाई ग्रिलले सजिलै सँग ध्यानाकर्षण गराउँदछ। यसमा प्रयोग भएको प्रोजेक्टर हेड ल्याम्पले रात्रीकालिन समयमा पनि सहजता प्रदान गर्दछ । यसको भित्री बनावटमा प्रयोग भएको उत्कृष्ट छालाको सिट र बाहिर रहेको १५ इन्चको एलो हुल्इस्ले जो कोहीलाई पनि आकर्षित गर्दछ ।
एल्सभीनमा प्रयोग भएको स्पोर्टी फ्लाट स्टिरिङ्गले चालकलाई सहजता प्रदान गर्नेछ । यसमा सुरक्षाका विविध सुविधाहरू उपलब्ध छन् जस अन्तर्गत एन्टी लक बे्रकिङ सिस्टम र फ्रन्टल एअर ब्याग पनि समावेश छन् । रेर भ्यु क्यामराको साथमा पार्किङ सेन्सर, डाइनामिक लाइनस् र प्रोक्सिमिटि अलार्मले थप सहजता प्रदान गर्दछ । यसका साथै गाडीमा पार्किङ र रिभर्स दुवैका लागि वार्निङ्ग लाइट समावेश छ ।
ग्राहकहरुले चांगनको नक्साल, काठमाडौंमा निर्मित सोरुममा गई गाडीको अवलोकन गरि टेस्ट राइड गर्न सक्नेछन् । यसका साथै www.changannepal.com मार्फत एल्सभीनको बारेमा बिस्तृत जानकारी लिनका साथसाथै टेस्ट राइडको लागि बुकिङ पनि गर्न सक्नेछन् । चांगन अटो सम्बन्धी सम्पूर्ण जानकारी च्याङ्गनको वेबसाइट, फेसबुक र इन्स्टाग्राम मार्फत लग इन गरि प्राप्त गर्न सकिनेछ ।
