काठमाडौं, फागुन ४। झापा घर भई हाल भक्तपुरको कौशलटार बस्नुहुने वर्ष २७  का नेपाली प्र्याङ्कस्टर्स आकाश सेडाईलाई प्रहरीले पक्राउ गरेको छ । 

प्र्याङ्कको नाममा सार्वजनिक स्थलहरुमा गोप्य रूपमा मानिसको भिडियो बनाएर ठट्टा तथा ठट्टाका नाममा शारीरिक तथा मानसिक रूपमा विचलित गर्ने तथा दिक्दार लगाउने जस्ता क्रियाकलापहरु गरी भिडियो बनाएर अनुमतिबिना नेपाली प्र्याङ्कस्टर्स युट्युब च्यानलमा अपलोड गर्नुहुने नेपाली प्र्याङ्कस्टर्स आकाश सेडाईलाई पक्राउ गरेको हो । यसबारे थप अनुसन्धान भैरहेको प्रहरी प्रधान कार्यालयले जनाएको छ ।