काठमाडौं, फागुन ९। आईसीसी पुरुष टी-ट्वान्टी विश्वकपअन्तर्गतको ग्लोबल छनोटको तेस्रो खेलमा नेपालले आज सोमबार क्यानडासँग खेल्दैछ ।

विश्वकपमा छनोट हुने लक्ष्य बोकेको नेपालले ओमानको राजधानी मस्कटमा रहेको अल अमिरात क्रिकेट मैदानमा क्यानडाको सामना गर्नेछ । नेपाल र क्यानडाबीचको खेल दिउँसो नेपाली समय अनुसार ३:४५ बजे सुरु हुनेछ ।

नेपाल २ खेलमा ४ अंक जोडेर शीर्ष स्थानमा रहेको छ भने २ खेलमा २ अंक जोडेको क्यानडा दोस्रो स्थानमा रहेको छ । समुहको उत्कृष्ट दुई टिम सेमीफाइनलमा पुग्नेछन् । सेमीफाइनल जितेको खण्डमा यो वर्ष नेपाल टि-२० विश्वकपका लागि छनौट हुनेछ।

नेपालले यस अघि ओमानलाई ३९ रन र फिलिपिन्सलाई १ सय ३६ रनले हराएको थियो ।