काठमाडौं, फागुन १०। आईसीसी टी-२० विश्वकप क्रिकेट ग्लोबल छनोट अन्तर्गत सेमिफाइनलमा आज नेपालले यूएईसँग खेल्दैछ। हिजो भएको खेलमा क्यानडालाई आठ विकेटले हराउँदै नेपाल सेमिफाइनलमा प्रवेश गरेको हो ।

नेपालले फाइनल प्रवेशका लागि आज मंगलबार समूह ‘ए’को उपविजेता संयुक्त अरब इमिरेट्स (यूएई)को सामना गर्नेछ। ओमानको अल अमेरातमा भैरहेको उक्त खेल नेपाली समय अनुसार दिउँसो ३:४५ बजे सुरु हुनेछ । टी-ट्वान्टी विश्वकपमा छनोट हुने लक्ष्य बोकेको नेपालको लागि आजको खेल महत्वपूर्ण रहेको छ। आजको खेलले नेपालको विश्वकप यात्राको निर्णय गर्नेछ । आजको सेमिफाइनलमा यूएईलाई हराउन सके नेपालले अस्ट्रेलियामा हुने टी-२० विश्वकप क्रिकेट खेल्न पाउनेछ ।

नेपालले पहिलो खेलमा ओमानलाई ३९ रन र फिलिपिन्सलाई १ सय ३६ रनले हराएको थियो । अर्को सेमिफाइनलमा आज समूह बीको उपविजेता र समूह एको विजेता आयरल्यान्डबीच प्रतिस्पर्धा हुनेछ। फाइनल प्रवेश गर्ने दुवै टोली अष्ट्रेलियामा आगामी अक्टोबर १६ देखि नोभेम्बर १३ तारिखसम्म हुने आइसिसी पुरुष टी-२० विश्वकपका लागि छनोट हुनेछन् ।