काठमाडौं, फागुन १५ । अभिनेता पल शाहले आज प्रहरीमा आत्मसमर्पण गर्ने बताउनुभएको छ। उहाँले आइतबार सामाजिक सञ्जाल मार्फत उक्त जानकारी दिनुभएको हो । एक गायिकाले जबरजस्ती करणीको गरेको आरोप लगाउँदै जिल्ला प्रहरी कार्यालय तनहुँमा जाहेरी दिएपछि फरार रहँदै आउनुभएका शाहले आइतबार प्रहरीमा आत्मसमर्पण गर्ने बताउनुभएको हो ।
शाहले भन्नुभएको छ, 'मेरो आफ्नो स्वास्थ्य स्थिती बिग्रीएको हुनाले साथै घरको सबै घर व्यवहार मिलाउनु परेकाले र मेरो फिल्म 'म यस्तो गित गाउछु २' गत शुक्रबार देखी नेपाल भर प्रदर्शन भएका कारण फिल्मलाई असर नपरोस भनि म प्रहरी सामु उपस्थित हुन नसकेकोमा माफी माग्न चाहन्छु । नेपालको कानुनलाई सम्मान गर्दै आज (आइतबार ) नेपाल प्रहरी सामु म आफै उपस्थित हुने जानकारी सम्पूर्णमा दिन चाहन्छु ।'
प्रहरीले अदालतबाट पक्राउ पुर्जी लिईसकेको भएपनि अहिलेसम्म शाह पक्राउ पर्न सकनुभएको थिएन ।
