काठमाडौं, फागुन १७। लामो प्रतिक्षापछि ‘हेल्लो जिन्दगी’ फिल्मको ट्रेलर सोमबार सार्वजनिक गरिएको छ । चैत्र ११ गते (मार्च २५) प्रदर्शन हुने फिल्मको सवा दुई मिनेट लामो ट्रेलरमा लभ, रोमान्स, एक्सन, कमेडी र सेन्टिमेन्ट्सको ‘प्याकेज’ देखिन्छ ।

एभरेष्ट सूर्य बोहराको निर्देशनमा बनेको फिल्मको ट्रेलरमा अभिनेता बिक्रम डि जोशी, प्रियंका कार्की, दीपिका प्रसाईं, विल्सन बिक्रम राई, बिक्रान्त बस्नेत र निर्देशक बोहरा स्वयम् प्रस्तुत रहनुभएको छ । सत्य घटनाबाट प्रभावित फिल्मको अधिकांश छायांकन बेलायत गरिएको हो । महंगो बजेटमा निर्माण भएको फिल्मको निर्माता बिक्रम डि जोशी र हिराल जोशी हुनुहुन्छ भने कार्यकारी निर्मातामा सृजना जोशी महर्जन अनि सहनिर्मात्रीमा सबिता गुरुङ रहनु भएको छ । महारानी इन्टरटेन्मेन्ट युके र एभरेष्ट सूर्य बोहरा फिल्मसँगको सहकार्यमा बिरञ्जना इन्टरटेन्मेन्टको प्रस्तुति रहेको फिल्ममा डि क्रिएटिभ स्टुडियो, युके र काम्मा इन्टरटेनमेन्ट, इन्डिया लाइन प्रोड्युसर छन् ।

निर्देशक बोहरा र बिक्रम डि जोशीको कथा र निर्देशक बोहरासहित अभिमन्यु निरवीको पटकथा, सम्वाद रहेको फिल्म पुरुषोत्तम प्रधानले खिच्नुभएको हो । राजनराज शिवाकोटी र एलिस कार्कीको संगीत रहेको फिल्मको गीतकार पनि निर्देशक बोहरा स्वयम् हुनुहुन्छ । कोरियोग्राफी भारतीय फिल्मका चर्चित कोरियोग्राफर बिष्णु देवाले गर्नुभएको छ । अत्याधिक भिएफएक्स प्रविधिको उपयोग गरिएको फिल्ममा बिक्रम डि जोशी, प्रियंका कार्की, दीपिका प्रसाई, विल्सन बिक्रम राई, एभरेष्ट सूर्य बोहरा, बिक्रान्त बस्नेतका साथमा सबिता गुरुङ, सनमकुमार बैराग, जानकी पन्त (जुन), ध्रुव दत्त, कुमुद पन्त लगायतको अभिनय रहेको छ ।

आरआर फिल्मस्ले बितरण गर्ने फिल्मको सहायक निर्देशनमा मार्लाेभ ढुंगाना र सीमा गुरुङ छन् भने मुख्य सहायक निर्देशक सुदीप कुँवर र एलिस अधिकारी हुनुहुन्छ । सम्राट बस्नेतको द्धन्द्ध निर्देशन रहेको फिल्मको सम्पादन मित्र डि.गुरुङले गर्नुभएको हो । फिल्मको ट्रेलरले अहिले चर्चा पाइरहेको छ । केही दिनमै फिल्मको पहिलो गीत सार्वजनिक गरिने जानकारी निर्देशक बोहराले दिनुभएको छ ।

हेर्नुस् ट्रेलर
https://www.youtube.com/watch?v=d_lIwJBvgOs&t=42s