ललितपुरको सेतीपाखास्थित टहराभित्र जुवातास खेलिरहेको अवस्थामा २४ जना पक्राउ
काठमाडौं, फागुन २२। ललितपुरको महालक्ष्मी नगरपालिका-४ ईमाडोल सेतीपाखास्थित एक बहादुर रानाको टहराभित्र तास खेलिरहेको अवस्थामा २४ जनालाई शनिबार बेलुकी प्रहरीले पक्राउ गरेको छ । उक्त टहरामा तास खेलाईरहेको भन्ने खबर प्राप्त हुनासाथ महानगरीय प्रहरी वृत्त सातदोबाटोबाट खटिएको प्रहरीले उनीहरूलाई नगद तीन लाख ८५ हजार तीन सय ३० रुपैयाँ र आठ बुक तास सहित फेला पारी पक्राउ गरेको हो ।
काठमाडौं महानगरपालिका-१४ लुम्विनी खाजा घरमा तास खेलिरहेको अवस्थामा सात जनालाई शनिबार दिउँसो प्रहरीले पक्राउ गरेको छ । उक्त खाजा घरमा जुवातास खेलिरहेको भन्ने खबर प्राप्त हुनासाथ महानगरीय प्रहरी वृत्त कालिमाटीबाट खटिएको प्रहरीले उनीहरूलाई नगद २२ हजार दुई सय रुपैयाँ र तीन बुक तास सहित फेला पारी पक्राउ गरेको हो ।
प्रकाशित मिति: आइतबार, फागुन २२, २०७८ १३:२२
प्रतिक्रिया दिनुहोस्
साताको लोकप्रीय
