इस्तानबुल, चैत्र ४। रुसी अर्बपति रोमन अब्रामोविच इजरायलमा रहेको आफ्नो हवेलीबाट मस्कोमा आएको पाईएको छ । किनभने स्पेनी सरकारले रसियाका धनाड्य व्यक्तिहरूको सम्पत्ति जफत गरेको थियो र ईयूले विलासिताका सामानहरूको निर्यातमा प्रतिबन्ध लगाउने तयारी गरेको थियो।
अब्रामोविच इजरायली र पोर्चुगल नागरिकता धारण गरेका अब्रामोविच, युक्रेनमा रुसको आक्रमणलाई लिएर राष्ट्रपति भ्लादिमिर पुटिनलाई अलग पार्ने प्रयासको रूपमा बिहीबार बेलायती प्रतिबन्धहरूको सूचीमा थपिएका सात रूसी अरबपतिहरूमध्ये एक हुन्। रुसी-इजरायली अर्बपतिसँग जोडिएको उक्त विमान मङ्गलबार बिहान ३ बजे रुसी राजधानीमा अवतरण गरेको थियो। विमानको मार्गलाई प्लेन ट्र्याकर Flightradar24 र रूसी ओलिगार्क जेट्स ट्विटर खाताले पछ्याएको थियो। रोमन अब्रामोविचका दुईवटा याचहरू जसको मूल्य $७८० मिलियनभन्दा बढी रहेको छ, यिनीहरुलाई टर्की लगिदैछ।
रोमन अब्रामोविचलाई प्रिमियर लिग बोर्डले चेल्सीको निर्देशकको रूपमा अयोग्य घोषित गरेको छ, अब्रामोविचको प्रतिबन्धका कारण युरोपेली च्याम्पियनहरू कडा प्रतिबन्धमा परेका छन्। उनलाई धेरै केस पनि लागेको छ। अहिलेसम्म उहाँले निकै भ्रष्टाचार गरेको आरोप पनि छ। रुसी अर्बपतिले पहिले नै बेलायतको अदालतमा स्वीकार गरिसकेका छन् कि उनले सिब्नेफ्ट सम्झौतालाई भ्रष्टाचार गर्न मद्धत गरेका हुन्।
अब्रामोविच रुसी राष्ट्रपति भ्लादिमिर पुटिन निकट मानिन्छन् । त्यसैले यो दाबी गरिएको छ कि पुटिनसँगको राम्रो सम्बन्धले गर्दा substantial source of revenue पर्याप्त स्रोत प्रदान गर्ने उद्योगमा आफ्नो जेबलाई भराउन मद्दत गरेको थियो। उहाँको यस्तो थुप्रै कामहरुले गर्दा उहाँलाई प्रिमियर लिग क्लब चेल्सीको शेयर बेच्नबाट रोकिएको छ।
अब्रामोविच रुसको सबैभन्दा धनी व्यक्तिहरुमध्येका एक हुन् । उनले सन् २००३ मा चर्चित फुटबल क्लब चेल्सीलाई खरिद गरेका थिए । ५५ वर्षीय अब्रामोविच विश्वभर सुपरयाट, लक्जरी कार, निजी विमान र घरहरूको संग्रहका लागि परिचित छन्। वाल स्ट्रीट जर्नलले एक पटक आफ्नो असाधारण सम्पत्तिहरूको विश्वव्यापी संग्रहलाई 'रोमन साम्राज्य' नाम पनि दिएका थिए। यसै क्रममा चेल्सीले आफ्नो खाता बन्द गर्नु परेको थियो।
१९९० को दशकमा तेल क्षेत्रमा अथाह सम्पत्ति कमाउनु भन्दाअघि खेलौनाहरु बेच्ने अब्रामोविच रुसको चुकोट्का प्रान्तको गभर्नर पनि बनिसकेका छन् । एक समय उनी दिवंगत उद्योगपति बोरिस बेरेजोब्कीको पार्टनर थिए। बेरेजोब्की पूर्व रुसी राष्ट्रपति बोरिस येल्तिसिनको निकट थिए। आलोचकका अनुसार यी दुवै उद्योगपतिले क्रेमलिन (रुसी सरकार) मा आफ्नो सम्पर्क प्रयोग गरेर सरकारी तेल कम्पनीलाई निकै कम मूल्यमा खरिद गरेका थिए ।
