काठमाडौं, चैत्र ४। स्वास्थ्य उपचार आध्यात्मिक शक्ति जागरण सँगसँगै आर्थिक समृद्धिको सम्भावनाबारे गहन खोज अनुसन्धान गरी लेखिएको पुस्तक 'तितेपाती'को भोलि अपरान्ह नेपाल प्रज्ञा प्रतिष्ठानमा लोकार्पण हुँदैछ ।

भुँडी पुराण प्रकाशनले बजारमा ल्याउन लागेको पुस्तकका लेखक तान्त्रिक हिलर उत्तम कुमार बज्राचार्य हुनुहुन्छ । लेखकले आफै जापान जाँदा प्रत्यक्ष देख्नु भोग्नु भएको अनुभव, नेपालमा यत्तिकै झारको रूपमा खेर गैरहेको तितेपाती जापानमा समेत नेपालबाटै लगी त्यहाँ गरिएको यसको प्रयोग, उपचार पद्धति, तितेपातीबाट गर्न सकिने तान्त्रिक उपचार आदिको बारेमा गहन अध्ययन अनुसन्धान गरी सो पुस्तक तयार पार्नु भएको हो ।