काठमाडौं, चैत १३। अधिकांश मानिसहरु एसी अर्थात एयर कन्डिसनर प्रयोग गर्छन् । आजको समयमा एसी मानिसको महत्वपूर्ण आवश्यकता बनेको छ । हाम्रो कार्यालयदेखि, हाम्रो कार र हाम्रो घरको हरेक कोठामा एसी प्रयोग गर्छौ । तर के तपाईलाई थाहा छ एसीले गर्मीबाट राहत त दिन्छ तर यसले अन्य धेरै रोगलाई निम्तो पनि दिन्छ। जतिसुकै आरामदायी किन नहोस्, दिनभर एसीमा बस्दा तपाईंको शरीरमा केही हानिकारक र अप्रिय असरहरू पर्न सक्छ। लामो समय एसीमा बस्दा धेरै समस्या आउन सक्छ । स्वास्थ्यको हिसाबले एसी निकै घातक साबित हुन सक्छ। एसीबाट स्वास्थ्यमा हुने हानिबारे जान्नुहोस् –

१.  सुक्खा आँखा
यदि तपाईको आँखा पहिले देखि नै सुख्खा छ भने धेरै समय एसीमा बस्दा आँखा झन बिग्रन सक्छ। सुख्खा आँखा भएमा आँखा चिलाउने हुन्छ। 

२. सुख्खा छाला 
एसीमा बस्दा छालामा पनि असर पर्छ । किनभने उच्च आर्द्रता भएको वातावरणमा बस्दा छाला सुख्खा हुन्छ। यसका साथै छालाको प्राकृतिक चिल्लोपना पनि विस्तारै समाप्त हुन्छ र छालामा सुख्खापन आउन थाल्छ ।

३. मोटोपना
एयर कन्डिसनरको अत्यधिक प्रयोगले मोटोपना पनि बढाउन सक्छ। कम तापक्रमका कारण हाम्रो शरीर बढी सक्रिय हुन सक्दैन र शरीरको ऊर्जा सही मात्रामा प्रयोग हुन सक्दैन, जसका कारण मोटोपना बढ्न थाल्छ ।

४. रक्तचाप र दम
यदि तपाईलाई रक्तचापसँग सम्बन्धित समस्या छ भने तपाईले एयर कन्डिसनरबाट टाढा रहनु पर्छ, किनकि एयर कन्डिसनरको लगातार सम्पर्कले पनि कम रक्तचाप र श्वासप्रश्वासको समस्या निम्त्याउँछ। दमको रोग भएका व्यक्तिहरूले विशेष गरी एयर कन्डिसनरको सम्पर्कमा आउनबाट जोगिनु पर्छ।

५. टाउको दुखाइ
एसीका कारण डिहाइड्रेसन हुँदा टाउको दुख्ने र माइग्रेन हुने गर्छ । जब तपाईं एसी कोठाभित्रबाट बाहिर जानुहुन्छ वा धेरै समय एसीमा बसेपछि अचानक बाहिर तातोमा जानुहुन्छ, तब टाउको दुख्ने सम्भावना हुन्छ र माइग्रेन हुने सम्भावना बढी हुन्छ।

६. मस्तिष्कमा प्रभाव
लगातार एयर कन्डिसनरको सम्पर्कमा रहँदा मस्तिष्कका कोशिकाहरू संकुचित हुन जान्छ, जसका कारण मस्तिष्कको क्षमता र कार्यप्रणालीमा असर पर्न थाल्छ, साथै चक्कर आउने समस्या पनि हुन सक्छ। त्यसैले लामो समयसम्म एयर कन्डिसनरमा बस्नु उपयुक्त हुँदैन।