काठमाडौं, चैत १४। त्रिकोणात्मक टी-२० सिरिज अन्तर्गत आज पपुवा न्युगिनीसँग भएको खेलमा नेपालले विजयी भएको छ । कीर्तिपुरस्थित टियु क्रिकेट मैदानमा सोमबार भएको खेलमा पपुवा न्युगिनी (पीएनजी) लाई नेपालले १५ रनले हराउँदै सिरिजमा विजयी सुरुआत गरेको हो ।

नेपालले दिएको १ सय ८४ रनको लक्ष्य पछ्याएको पीएनजीले १९ ओभर २ बलमा अलआउट हुँदै १ सय ६८ रन मात्र बनाउन सक्यो । टस हारेर ब्याटिङको  निम्तो पाएको नेपालले निर्धारित २० ओभर खेल्दै ९ विकेटको क्षतिमा १८३ रन जोडेको थियो। 

नेपालको जितमा करण र सन्दीप लामिछानेले ३/३ विकेट लिए । अविनास बोहराले २ विकेट र सोमपालले १ विकेट हात पारे । नेपालका लागि आसिफ शेखले सर्वाधिक ४३ रन बनाए। यस्तै अब दोस्रो खेल मलेसियासँग खेल्ने तालिका रहेको छ । सिरिज अन्तर्गत नेपालले पीएनजी र मलेसियाविरुद्ध दुई-दुई खेल खेल्नेछ ।