काठमाडौं, चैत १६।  पोर्चुगल विश्वकपका लागि छनोट भएको छ । युरोपेली छनोटको प्लेअफ फाइनलमा नर्थ म्यासेडोनियालाई २–० गोलले हराउँदै पोर्चुगल फिफा विश्वकपमा छनोट भएको हो । 

पोर्चुगलको जितमा दुवै गोल ब्रुनो फर्नान्डेसले गरे । फर्नान्डेसले खेलको ३२ औँ र ६५ औं मिनेटमा गोल गरे । प्लेअफकै अर्को खेलमा पोल्यान्डले स्विडेनलाई २–० गोलले हराउँदै विश्वकपमा स्थान बनाएको छ ।  

जितसँगै पोर्चुगल छैठौं पटक फिफा विश्वकपका लागि छनौट भएको छ । ३७ वर्षिय रोनाल्डो पाँचौं र सम्भवत अन्तिम पटक विश्वकपको मैदानमा देखिनेछन् ।