मुम्बई, चैत १६। अभिनेता आमिर खानले फिल्म जगतबाट पूर्ण रुपमा सन्यास लिने निर्णय गरेको बताउनुभएको छ।

उहाँको व्यावसायिक जीवनले परिवारका सदस्यहरूसँग समय बिताउन नसक्नु नै यसको कारण रहेको उहाँले बताउनुभएको छ। खानले यो निर्णयलाई अहिले नै दर्शकसामु नउठाउने पनि बताउनुभयो किनभने यो खबर सुनेपछि उहाँका फ्यानहरूले यो सब आफ्नो आगामी फिल्मको प्रमोशनका लागि भन्दैछन् भन्ने महसुस गर्नेछन् । 

आफ्नो फिल्म ‘लाल सिंह चड्डा’ रिलिज भएपछि आफू फिल्मी दुनियाँबाट टाढा हुने उहाँको भनाइ छ । यद्यपी, अभिनेताले यो जानकारी आफ्नो परिवारका सदस्यहरूसँग सेयर गर्नुभएको छ । आमिर खान अभिनेता हुनुका साथै निर्देशक र निर्माता पनि हुनुहुन्छ ।