काठमाडौं, वैशाख ५। रोयल नेपाल गल्फ क्लबमा आयोजना हुने चार दिने प्रतियोगिता ७२ होलको हुनेछ। प्रतियोगितामा कुल ५६ खेलाडीले सहभागिता जनाउने छन् ।

जसमा ३६ प्रोफेसनल र २० एमेच्योर खेलाडीले प्रतिस्पर्धा गर्ने बताईएको छ । यस्तै बेलायतमा खेल्दै आएका ७ जना खेलाडीले समेत प्रतिस्पर्धा गर्नेछन् । प्रतियोगितामा साविक विजेता सुवास तामाङसँगै भुवन नगरकोटी, जयराम श्रेष्ठ, संजय लामा, रबि खड्का, राम थापा लगायतका खेलाडीले सहभागिता जनाउने छन् ।

बेलायतबाट महेन्द्र फगामी, झमक लिम्बु, भक्त शेरचन, देव राना, बिष्णु थापा, राजु तामाङ र गजेन्द्र गुरुङ रहेका छन् । प्रतियोगिताको विजेताले १ लाख प्राप्त गर्दा उपविजेताले ६५ हजार पाउनेछन् । तेस्रोले ४६ हजार प्राप्त गर्दा शीर्ष २१ मा रहने खेलाडीले समेत नगद  पुरस्कार पाउनेछन् ।