ललितपुर, वैशाख ८। ललितपुरको पाटनस्थित औद्योगिक क्षेत्रभित्र रहेको अक्सिजन प्लान्टमा विष्फोट हुँदा एक जनाको मृत्यु भएको भने ७ जना घाइते भएका छन्।  बिहीबार बिहान करिब १० बजे सगरमाथा अक्सिजन प्लान्टमा अक्सिजन भर्ने क्रममा विष्फोट भएको हो ।

विस्फोटमा भवनमा पनि क्षति पुगेको छ भने मृत्यु भएका व्यक्तिको शरीर क्षतविक्षत भएर सडक बाहिरसम्म पुगेर छरिएको अवस्था रहेको छ भने विस्फोटबाट छिमेकीको घरको झ्यालको शिशाहरु पनि फुटेको छ । घाइतेमध्ये एकजनाको अवस्था गम्भिर रहेको प्रहरी उपरिक्षक सिद्धिविक्रम शाहले जानकारी दिनुभयो । उहाँका अनुसार घाइतेहरुलाई उद्दार गरी पाटन र बिएनबि अस्पताल  पुर्‍याइएको छ। प्रहरीले मृतकको सनाखत गर्ने काम गरिरहेको छ ।