तमिलनाडु, वैशाख १४। भारतको तमिलनाडुमा रथयात्रामा करेन्ट लागेर दुई बालबालिकासहित ११ जनाको मृत्यु भएको छ ।
तमिलनाडुको तञ्जावुर जिल्लाको एक मन्दिरमा बुधबार बिहान रथयात्रा निकाल्ने क्रममा करेन्ट लागेर कम्तीमा ११ जना घाइते भएका छन् भने दर्जनौं मानिस घाइते भएका छन् । मृत्यु हुनेमा दुई बालबालिका पनि रहेका छन् । मन्दिरको पालकीमा मानिसहरू उभिरहेका बेला कालीमेदुको माथिल्लो मन्दिरमा रहेको उच्च प्रसारण लाइनमा पालकी सम्पर्कमा आएपछि उक्त घटना भएको प्रहरीले जनाएको छ । मन्दिरको पाल्की घुम्ने क्रममा ओभरहेड लाइनको सम्पर्कमा आएका कारण उक्त भीषण दुर्घटना भएको अधिकारीहरुले बताएका छन् ।
सञ्चारमाध्यमसँग कुरा गर्दै अधिकारीहरूले मृत्यु हुनेमा दुई बालबालिका पनि रहेको र तीन गम्भीर घाइते भएका १५ जनालाई उपचारका लागि तञ्जाभर मेडिकल कलेजमा भर्ना गरिएको बताए । प्रहरी महानिरीक्षकले दुर्घटनाबारे मुद्दा दर्ता गरी अनुसन्धान भइरहेको बताएका छन्।
