बेलायत, जेठ ५ । इंग्लीस प्रिमियर लिगमा थोमस टुखलको टोली चेल्सीले भने लेष्टर सिटीलाई दुइ एक गोलले पराजित गरेको छ । एफए कपको फाइनलमा ब्येहोरेको हार बदला लिएको चेल्सीले यो जित पछि आगामी सिजन च्याम्पिन्यस लिगमा छनौट हुने सम्भावना बलियो बनाएको छ ।तीन दिन अघि लेष्टरले चेल्सीलाई एक सुन्य गोलले हराउँदै एफए कपको उपाधी उचालेको थियो । गएराती स्टाम्फर्ड ब्रिजमा भएको खेलको पहिलो हाफ गोल रहित बराबरीमा  रोकिएको थियो ।

एन्टोनियो रुडीगरले  ४७ र जोर्गिन्होले ६६ औँ मिनेटमा गोल गर्दै चेल्सीलाई अग्रता दिलाए । ७६ औँ मिनेटमा केलेची एहेनाचोले गोल फर्काएपनि लेष्टरको हार भने टार्न सक्नु भएन । यो पराजय पछि चौथो स्थानमा झरेको लेष्टरको च्याम्पियन्स लिगमा छनौट हुने सम्भावना संकटमा परेको छ । यदी आज बनर्लीलाई हराए पाँचौ स्थानको  लिभरपुलले लेष्टरलाई उछिन्नेछ । 

यता दोस्रो स्थानको म्यान्चेष्टर युनााइटेड भने रेलिगेशनमा परेको फुलह्यामसँग एक एक गोलको बराबरीमा रोकिएको छ । खेलको १५ ओँ मिनेटमा इडिशन कभानीको गोलमा युनाइटेडले अग्रता बनाएको थियो । उहाँले करिब चालिस यार्ड टाँढाबा गोल गर्नुभएको थियो । ७६ औँ मिनेटमा फुलह्यामका लागि बायर्नले गोल फर्काउनु भयो ।