काठमाडौं, वैशाख १८। नेपालले जिम्बाब्वे ‘ए’ बिरुद्ध पहिलो एकदिवसीय क्रिकेटमा पहिले ब्याटिङ गर्ने भएको छ ।

आज आईतबार दिउँसो १ बजे किर्तिपुरस्थित टियु क्रिकेटमा मैदानमा खेल शुरु हुनेछ । नेपालले टस हारेसँगै पहिलो ब्याटिङको निम्तो पाएको हो । यस अघि शनिबारका लागि तय भएको नेपाल र जिम्बाब्वे ‘ए’ बिचको पहिलो एकदिवसीय खेल निरन्तर वर्षाका कारण स्थगित गरिएको थियो ।

नेपालले अब बैशाख १९ गते दोश्रो र २१ गते तेश्रो तथा अन्तिम खेल खेल्नेछ । आईसीसी पुरुष क्रिकेट विश्वकप लिग टु अन्तर्गत अमेरिकामा हुने त्रिकोणात्मक एकदिवसीय सिरिजको तयारीमा स्वरूप नेपालले जिम्बावे 'ए' सँग सिरिज खेल्न लागेको हो ।