काठमाडौं, जेठ ३। केहि समयअघि अन्तराष्ट्रिय सिनेमामा एउटा पात्रको रूपमा काम गर्न सफल हुनु भएको अभिनेत्री सुरक्षा पन्त कान्स फिल्म फेस्टिवल २०२२ मा जाँदै हुनुहुन्छ।

द एट माउन्टेन्स (The  Eight  Mountains ) नामक सिनेमामा अभिनय गर्नु भएको सुरक्षाले यो जानकारी आफ्नो इन्स्टाग्राम मार्फत सार्वजनिक गर्नुभएको छ। "द एट माउन्टेन्स" बेल्जियमका फिल्म निर्देशक फेलिक्स भान ग्रोनिन्जेन र शार्लोट भान्डरमेर्शद्वारा निर्देशित पुरस्कार विजेता उपन्यास "द एट माउन्टेन्स" मा आधारित मित्रताको कथा हो।

उक्त सिनेमा कान्स फिल्म फेस्टिवलको मुख्य प्रतिस्पर्धामा छानिएर आमन्त्रण पाएको कुरा पन्तले बताउनुभएको छ। जेठ ४ मा हुन गैरहेको यो फेस्टिवलको लागि सुरक्षा पन्त आज मंगलबार जाँदै हुनुहुन्छ । यस चलचित्रको केहि अंशहरु नेपालको मनाङमा खिचिएको हो।