काठमाडौं, जेठ १० । काठमाडौं महानगरपालिकाको मेयरमा स्वतन्त्र उम्मेदवार बालेन्द्र साहको फराकिलो अग्रतासँगै ५० हजार मत नाघेको छ ।

साहले ५० हजार ३० मत पाउनु भएको छ भने दोस्रो स्थानसहित नेपाली कांग्रेसकी उम्मेदवार सिर्जना सिंहले ३० हजार ७ सय ६७ मत पाउनु भएको छ । त्यस्तै नेकपा एमालेका केशव स्थापित ३० हजार १५ मतसहित तेस्रो स्थानमा रहनुभएको छ ।

काठमाडौंमा महानगरमा १ लाख ९१ हजार ५५ मत खसेकोमा अहिलेसम्म १ लाख ५० हजार ५ सय १६ मत गनिसकिएको छ ।