ललितपुर, जेठ १०। ललितपुर महानगरपालिकाको मेयरमा कांग्रेसका उम्मेदवार चिरीबाबु महर्जन दोस्रो पटक निर्वाचित हुनुभएको छ । उहाँले नेकपा एमालेका प्रतिस्पर्धी हरिकृष्ण व्यञ्जनकारलाई १८१६२ मतान्तरले पछि पार्नुभएको हो ।

यस्तै उपमेयरमा एमालेकी मन्जली शाक्य बज्राचार्य निर्वाचित हुनुभएको छ । उहाँले गठबन्धनको तर्फबाट उपमेयर उम्मेदवार नेकपा माओवादी केन्द्रका बाबुराज बज्राचार्यलाई ६३३२ मतले पछाडि पार्नुभएको हो ।